Da ‘dumi’dumi: diyar Ganduje Balaraba ta maka mijinta a kotun Muslunci domin a raba auren su na shekara sha shida 16.
Alkalin kotun shari’ar Musulunci a Kano, Khadi Abdullahi Halliru, ya umarci ‘yan jarida da su fice daga dakinsa domin sauraron karar da Asiya-Balaraba Ganduje, diyar gwamnan jihar Kano, Abdullahi Ganduje, ta shigar domin raba aurenta da mijinta.
Alkalin ya yi watsi da cewa a idon doka kowa ya yi daidai, amma ya ce “wannan shari’a ce ta musamman da ba za a yarda da fitar da rahoto ba” saboda mutanen da abin ya shafa.
Don haka ya zabi sauraron karar a zaurensa.
DAILY NIGERIAN ta tattaro cewa diyar gwamnan ta nemi kotu da ta yi amfani da ka’idojin addinin musulunci na khul’i don raba auren ta na shekara 16 da mijinta, Inuwa Uba, saboda “ta gaji da auren”.
Amma mijin, ya dage cewa har yanzu yana son matarsa kuma ya nemi kotu ta ba shi lokaci don bincika hanyoyin shawo kan matarsa ta soke hukuncin da ta yanke.
Da yake yanke hukunci kan karar, alkalin kotun ya baiwa mijin da ya rabu ga gida biyu mako biyu ya nemo hanyoyin sasantawa da matarsa, sannan ya dage sauraron karar zuwa ranar 5 ga watan Janairu domin yanke hukunci.
DAILY NIGERIAN ta tattaro cewa a shekarun baya, ‘yar gwamnan ta samu sabani da iyayenta saboda tsayawa da mijinta, wanda ake zarginsa da handame dukiya Kuma mallakin su.
Wata majiya mai tushe ta shaida wa wannan jarida cewa, a lokacin da diyar gwamnan ta gamu da cikas ga matsayar iyalan ta kuma jefar da mijin, sai aka tura jami’an tsaro dauke da makamai suka shiga gidan ma’auratan da ke Technical Staff Quarters tare da kwashe takardun mallaka na kadarorin Mista Uba.
Kaddarorin a cewar majiyoyin sun hada da wani kamfanin sarrafa shinkafa da ke kan titin Kano zuwa Zaria da wurin taron biki da wani gida a Abuja da gidajen mai da dai sauransu.
